تخيل أن خيط شحن «الموبايل» يعطل العمل هذا اللي صار من غير سابق إنذار الخيط قال «بوي باعني» يعني وقف عن الشحن وقالي غيرني ، باهي وين الكاش وين محل يخدم بالبطاقة ولازم في عمل يبي التنفيذ ، توكلت ومشيت لأول محل طبعاً مايخدمش بالبطاقة ، طلعت ما تبقى عندي من الدينارات ، 25 دينار حق خيط الشحن المهم دفعت حقه كاش ونعرفوا شن معناه ندفع كاش ؟
كيف عاد لزوم أدوات العمل
طبعاً معظم الأعمال بدى نسبة الإنجاز فيها عبر الهاتف النقال وعبر النت و الوسائل المتعددة ، لهذا أي أداة تنقص تسبب عرقلة وأزمة حقيقية يعرفها كل موظف مواظب على تقديم عمله المكلف به في موعده المحدد ، راهو في كل جهات العمل عام أو خاص أعطال تصير الحق مرات مش في وقتها لكن تمشي عادي ومش لازم سرد بعض التفاصيل المملة .
