كالعادة… توقفت مباراة الاهلي طرابلس والاتحاد.. وأنا كمشجع من العاصمة، يؤسفني جدًا اللي صاير في كل مباراة تجمع اهلي طرابلس والاتحاد. نفس السيناريو يتكرر: مباريات لا تكتمل، وأحداث تخرج عن إطار الرياضة، وفوضى تعكّر صورة كرة القدم الليبية.
وحتى في حال استُكملت المباراة، للأسف ما ترتقي لمستوى المتعة. الأجواء مشحونة، والأعصاب مشدودة، وكأن المتعة آخر همّ.
بدل ما تكون هالمباريات عرس كروي يفرح بيه كل اهل العاصمة ، تتحول لساحة تصفية حسابات. أسوأ واجهة تُقدَّم عن أندية العاصمة.
نبو نشوف رياضة نزيهة، ملاعب آمنة، ومباريات تُلعب حتى آخر دقيقة… لكن الواقع للأسف يقول غير هكي.
جرينتا
الخزي والعار شفناه في هذه المباراة عرفتوا توا سبب خراب الكورة في ليبيا اهم شي تقتنعوا بس
بن فادي
إنسحاب ومغادرة طاقم التحكيم في ديربي_طرابلس بين الاهلي والاتحاد خلال اول 30دقيقة من المباراة وبعد هدف الاتحاد وجاري محاولتهم إقناعهم بالعودة في غرفة تغيير الملابس
سبور سبور
