تطوير منظومة الخدمات نحتاجه في كل المجالات وخاصة القطاع المصرفي وهذا ماقام به مصرف الجمهورية مؤخراً .. المصرف نوه بأنه سيعلق ابوابه لمدة اسبوع لغرض تحديث المنظومة المصرفية (جاب ربي تحديث مش تأسيس) المهم وطمن المصرف كافة الجهات والمؤسسات والافراد بأن معاملاتهم ستجري بشكل طبيعي عند استناف العمل .. ياسلام اماله شن صار .. تأخرت المنظومة والعاملين عليها شكلهم لم يستوعبوها ممكن تكون مدة التدريب غير كافية ربما ؟ وصارت ربكة في الفروع والناس تشتكي حيت قال احد المواطنين : أنا عن نفسي. ياريت يرجعو المنظومة الأولة. مش ضروري .التطوير غير في المصارف ليبيا كلها تبي تطوير. خلونا في حالنا نكملو عقاب أعمارنا هكي. مانبو شيء…
زبون اخر بأحد الفروع : لتوضيح فقط مع احترامي لدولة والجهات المختصة و مدراء المصارف الرئيسية اولا قبل تغير المنظومة تبي دراسه وناس مختصة في موضوع المنظومة وتبي وقت مناسب للتغير بعد ماتتوفر السيولة و تنزل المرتبات والناس تاخد مرتباتها ….. يتم تغير او تعديل المنظومة ….مش في وقت تنزيل المرتبات ..مع احترامي للجهات المختصة لايوجد تنسيق في العمل و الأداء وتنفيد من حيت توفير السيولة والمرتبات و تغير وتعديل المنظومة ….لتوضيح فقط ولكم مني كل الاحترام والتقدير…
وإن شاء الله ربي يكون في عون المواطن البسيط .
ÇáÓíÏÉ Ãã ÈáÞíÓ : نفس قصة شهر8
ومازال مصرف الصحاري لأنه لازم يفتح منظومة الجمهورية
والله تعبنا صغار يبو حاجات ومصاريف المدارس ..
ÒÈæä Ýí ãÕÑÝ ÇáÚÌíáÇÊ : مشكلة المصرف الجمهوريه قلة الكفاءت يلي تخدم في المصرف مع احترامنا للبعض .. تصرف مش مزبوط مع دخول عام دراسي ومع الغلاء مصرف الجمهورية فرع العجيلات آخر المصرف من حيث المعاملات في مرتبات أو منحة ..
ãä ÏÑÌ ãæÇØä ÞÇá : القصة نفسها في مصرف تجاري درج.. مرتباتنا شهري 8 .9 .. ما سحبناهم قالوا مصرف جمهورية واحنا مفلسين وراتب كله امشى في ديون..شن علاقة مواطن ينظلم من قلة التخطيط السليم ..
اخدنا عينة من اراء المواطنين وتعليقاتهم على خدمات المصرف والمنظومة الجديدة ..
اعلاش هذا التوقيت بداية عام دراسي ومصاريف ؟
ويعني خلاص معاش يقدر المصرف يستنا حتى يتم صرف مرتبات الناس ؟
لا توقيت مناسب ، ولا عمل احترافي للمنظومة ؟
عمل بطيء ركيك، فيه شباب خريجيون جدد من طاقات شبابية مواكبة العصرنه والتطور افتحو أبواب المصارف لهذه الشبيبة لعلها تحدث فرق بدل التحديث الرهيب، مجرد اقتراح لا غير
وأخيراً انقول : كل منظومة وعجبها.
