أعتقد مافيش عيلة ليبية متقدرش تستغني عن الخبرة مهما زاد سعرها ، ثلاثة فردات بدينار هي معقولة بس على العائلات الكبيرة تكلف ميزانية ،
طلع رئيس نقابة الخبازين وقال: إن بعض المخابز تعتزم تغيير سعر الرغيف ليصل نصف دينار للرغيف ، ياسلام هذا اللي ناقص يعني فردتين خبزة بدينار ومع هذا يشروها عادي ماهي مصدر غذاء مهم خاصة للصغار وفطورهم الصبح ، حتى ايام ازمة المحسنات المضافة للخبز عادي شروها وياكلوا فيها ، ثقافة المقاطعة بعيدة وغريبة علينا لهذا خلي ايزيدوا مدام هذا حالنا ، وين دور وزارة الاقتصاد في توفير مادة الدقيق ؟ وينها من تحديد سعر الرغيف ؟ كل شي غالي والوزارة لا حياة لمن تنادي !!
