احترموا الوادي

شفنا‭ ‬خلال‭ ‬الأمطار‭ ‬الأخيرة‭ ‬مناطق‭ ‬غرقت‭ ‬مش‭ ‬من‭ ‬تهالك‭ ‬البنية‭ ‬التحتية‭ ‬للطرق‭ ‬بس‭ ‬،‭ ‬في‭ ‬حاجة‭ ‬ثانية‭ ‬وهي‭ ‬عدم‭ ‬مراعاة‭ ‬حرمة‭ ‬الوادي‭ ‬وغياب‭ ‬التخطيط‭ ‬والجهات‭ ‬الرقابية‭ ‬ناس‭ ‬تبني‭ ‬في‭ ‬مجرى‭ ‬وادي‭ ‬شن‭ ‬تتوقع‭ ‬يصير‭ ‬؟

في‭ ‬منشور‭ ‬لاحد‭ ‬الصفحات‭ ‬عرض‭ ‬فيه‭  ‬محلات‭ ‬تجارية‭ ‬مبنية‭ ‬على‭ ‬مجرى‭ ‬وادي‭ ‬وكلها‭ ‬رفعها‭ ‬السيل‭ !! ‬معقولة‭ ‬توصل‭ ‬لعند‭ ‬هكي‭ !! ‬تخيل‭ ‬في‭ ‬ناس‭ ‬في‭ ‬المحلات‭ ‬باهي‭ ‬الخسائر‭ ‬معظمها‭ ‬مادية‭ ‬،‭ ‬أخدنا‭ ‬عينة‭ ‬من‭ ‬أراء‭ ‬الجمهور‭ :‬

محمد‭ ‬من‭ ‬ترهونة‭ ‬كتب‭ : ‬بناء‭ ‬عشواى‭..‬فى‭ ‬مجرى‭ ‬الوادى‭..‬

كلها‭  ‬تجارية‭ ‬وهذا‭ ‬يحدث‭ ‬فى‭ ‬كثير‭ ‬من‭ ‬المدن‭..‬

يظنون‭ ‬الوادى‭ ‬لايتسع‭ ‬ولايرجع‭ ‬بقوة‭..‬

المفروض‭ ‬خروج‭ ‬قوة‭ ‬وهدم‭..‬للكل‭..‬

يعنى‭ ‬توقع‭ ‬هذا‭ ‬المبنى‭ ‬من‭ ‬فوق‭ ‬مسكون‭ ‬او‭ ‬مؤجر‭ ..‬

مواطن‭ ‬كتب‭ : ‬بصراحة‭.. ‬مجرى‭ ‬الوادي‭ ‬معروف‭ ‬واللي‭ ‬يبني‭ ‬فيه‭ ‬يستاهل‭ ‬ما‭ ‬ايجيه‭ ‬من‭ ‬الأخير‭ ‬‭.. ‬وتوا‭ ‬ايتعايطوا‭ ‬ويبوا‭ ‬تعويض‭  ‬انت‭ ‬أصلا‭ ‬البني‭ ‬امتاعك‭ ‬غير‭ ‬قانوني‭ ‬والمفروض‭ ‬تتحاسب‭ ‬عليه‭..‬

تعليق‭ ‬ظريف‭ ‬كتب‭ ‬فيه‭ : ‬تحت‭ ‬شعار‭ ‬ابني‭ ‬على‭ ‬الوادي‭ ‬وخوذ‭ ‬تعويض‭!!‬

مواطن‭ ‬من‭ ‬سكان‭ ‬الهضبة‭ ‬قال‭ :‬

من‭ ‬درنه‭ ‬مزال‭ ‬ما‭ ‬شفعتوش‭ ‬وتبنو‭ ‬ف‭ ‬الوديان‭ ‬مالقيتو‭ ‬وين‭ ‬تبنو‭ ..‬

صهيب‭ ‬رجب‭ ‬كتب‭ :‬

مبني‭ ‬في‭ ‬مجري‭ ‬الوادي‭ !!!!!!‬

هذا‭ ‬خطير‭ ‬راهو‭ ‬الوادي‭ ‬يرجع‭ ‬يرجع‭ ‬لو‭ ‬بعد‭ ‬مائة‭ ‬عام‭ ‬ماتقولش‭ ‬جدب‭ ‬ومعاد‭ ‬فيه‭ ‬سيل‭..‬

محمد‭ ‬صلاح‭ ‬قال‭ :‬

هل‭ ‬ستتم‭ ‬محاكمة‭ ‬من‭ ‬قام‭ ‬بالبناء‭ ‬في‭ ‬مجري‭ ‬الوادي‭ ‬؟؟؟‭ ‬أين‭ ‬البلدية‭ ‬والجهات‭ ‬الرقابية‭ ‬؟

من‭ ‬جهتنا‭ ‬نقول‭ ‬متى‭ ‬تستفيق‭ ‬الجهات‭ ‬المعنية؟‭ ‬راهو‭ ‬المناخ‭ ‬عالمياً‭ ‬تغيير‭ ‬ومازال‭ ‬الخير‭ ‬لقدام‭ ..‬

لازم‭ ‬من‭ ‬وقفة‭ ‬وحزم‭ ‬لمعاقبة‭ ‬من‭ ‬يتعدى‭ ‬على‭ ‬مجرى‭ ‬الاودية‭ ‬،‭ ‬ولازم‭ ‬تخطيط‭ ‬للمدن‭ ‬يراعي‭ ‬التنوع‭ ‬والخصوصية‭ ‬الليبية‭ ‬؟

امتى‭ ‬ايصير‭ ‬هذا‭ ‬ياعالم‭ ‬؟‭!‬