مديرية أمن طرابلس حذرت المواطنين القاصدين طريق الجامعة من وجود هبوط أرضي أمام مدخل الجامعه ، هذه فحوى الخبر او التحذير ، طريق الجامعة ديمة تصير فيها هبوطات ومش اي هبوطات مرة طاحت فيها سيارة بكبرها ، الطريق فيها علة كبيرة راهو وكل مرة تجي الطيحة في مكان ، زي هذه الطرق لازم تبي دراسة وأبحاث وتخطيط يمكن مرات فيها أثار تحت الارض ، يمكن تسرب المياه ، الحكاية مش صكر الحفرة وبرا الحكاية فيها خسائر مادية وحتى بشرية نتوقعوا كل شي .
