الصراحة اللي صاير مش طبيعي كل يوم الأسعار في الزايد ، مش حاجة معينة تقريباً كل شي مواد غذائية الأدوية معقولة دواء من شهر فات 16 وله ب28 مهما يرتفع سعر الصرف متكونش هكي الزيادة كونش عاد يبو الربح على سعر الصرف اللي كل يوم بحال وهذا يجي على حساب المواطن ، هذا ماتكلمناش على أسعار اللحوم والداوجن والخضروات يعني الحاجات الأساسية اللي يحتاجها المستهلك ، مدام السوق متحكمين فيه كل من هب وذب بيكون هكي حالنا ، مش عارفة وزارة الاقتصاد شن دورها ؟وبعض الجهات المعنية بتحديد الأسعار في السوق المحلي وينها حتى هي ؟ المواطن المسكين شن دخله في أرتفاع وهبوط الدولار !! بس معليشي هو أصلاً تعود وماعنده شن بيدير .
