. كورنيش حي الاندلس شط راقي خاصة بعد خدمته الحق تخطيط جميل بعد اضافة وتجهيزات ايام الصيف مكان يقدر الواحد ياخذ فيه نزهة صباحية مثلاً ، وهذا اللي صار اطفال صغار أعمارهم بين 11 و12 العام لقيتهم شادين كيسة خبزة ومشروب وأكيد معه طن ، قصيت الطريق معاهم وهم يتناقشوا يفطروا قبل أو يديروا غطسة في البحر وبعد نقاش بينهم واني مستمتعة بهذه الدردشة اتفقوا انهم يعوموا قبل ، فرحنين وهم يجروا وبدو في القفز هو البحر غريق وشكله فيه طحالب ومش نظيف وحتى ممنوع فيه السباحة الصراحة قعدت نتفرج عليهم وقلت في خاطري هذا شط الغلابة وين بيمشوا هذا اللي فيه ، الحاجة اللي عجبتني انهم سباحين من الطراز الاول كان الدولة تهتم بيهم ويقدروا يمثلونا في المحافل الدولية .. مجرد مقترح راهو المحررة
