لاحضت خلال المدة الأخيرة زيادة كبيرة في نسبة الحوداث ومعظمها قوية ومميتة معقولة ليبيا تحتل المراتب متقدمة لحوداث الطرقات ، في هلبة أسباب للحوداث منها السرعة والأنشغال بالهاتف المحمول وهو بروحه خطر ، عدم أحترام إشارات المرور وهذا انشوفوا فيه ديمة الخروج في الاشارة الحمراء ، وعاد ما ننسوش الحفر اللي يهرب منها البعض وتسبب الحوداث ، لازم تكون في دراسات بهذا الخصوص لان الخطر كبير ، الحوداث مش في السيارات بس هناك الدرجات النارية ومعظم السائقين لا يرتدون أدوات السلامة وفي حوداث المشاة اللي مرات يقص الطريق من غير ما يستعمل الجسر الخاص بقطع الطريق ، الأسباب هلبة منها التخطيط العام ومنها مساهم فيها المواطن لكن لابد من معالجة مكامن الخلل ووضع معالجات سريعة لهذا الإهدار البشري والمادي ..كلمت زاوية خطرها واني نتصفح نلقى منشور وصور تدمي القلب لأب يبكي على ولده الصغير اللي ضربته سيارة في طريق الشط
معقولة توصل الحوداث لهذا الصور الشنيعة الحق شي يقطع القلب .
