شن حكايتها !!؟؟

هبوط‭ ‬طريق‭ ‬الجامعة‭ ‬هذا‭ ‬عارفينه‭ ‬ومش‭ ‬غريب‭ ‬علينا‭ ‬بس‭ ‬في‭ ‬عين‭ ‬زارة‭ ‬هذة‭ ‬جديدة‭ ‬

هبوط‭ ‬أرضي‭ ‬بطريق‭ ‬عين‭ ‬زارة‭ ‬

تشهد‭ ‬طريق‭ ‬عين‭ ‬زارة‭ ‬و‭ ‬تحديدًا‭ ‬بعد‭ ‬جزيرة‭ ‬الخمسة‭ ‬شوارع‭ ‬،‭ ‬هبوطا‭ ‬أرضيا‭ ‬أدى‭ ‬إلى‭ ‬اتخاذ‭ ‬مسار‭ ‬بديل‭ ‬مؤقت‭ ‬لضمان‭ ‬سلامة‭ ‬المارة‭ ‬والسائقين‭ ‬وهذا‭ ‬المسار‭ ‬بعد‭ ‬الخمسة‭ ‬شوارع‭ ‬اتجاه‭ ‬قرية‭ ‬المزاوغة‭ ‬،‭ ‬وقد‭ ‬تم‭ ‬البدء‭ ‬بأعمال‭ ‬الصيانة‭ ‬اللازمة‭ ‬من‭ ‬قبل‭ ‬الجهات‭ ‬المختصة‭ ‬بالتعاون‭ ‬مع‭ ‬قسم‭ ‬مرور‭ ‬عين‭ ‬زارة‭ .. ‬

فحوى‭ ‬الخبر‭ ‬والذي‭ ‬شهد‭ ‬هو‭ ‬ايضاً‭ ‬تفاعل‭ ‬من‭ ‬المتابعين‭ ‬علق‭ ‬أحدهم‭ ‬وكتب‭ : ‬موضوع‭ ‬زي‭ ‬هذا‭ ‬يتم‭ ‬استدعاء‭ ‬الشركة‭ ‬المنفذة‭ ‬وإلزامها‭ ‬بالترميم

ومحاسبة‭ ‬مهندس‭ ‬المشروع‭ ‬ومعاقبته‭ ‬،‭ ‬عادي‭ ‬وجهة‭ ‬نظر‭ ..‬

تعليق‭ ‬آخر‭ : ‬شن‭ ‬سبب‭ ‬ومن‭ ‬يتحمل‭ ‬مسؤولية‭ ‬،‭ ‬ما‭ ‬قل‭ ‬وذل‭ ..‬

رأي‭ ‬وتفسير‭ ‬علمي‭ ‬كتب‭ ‬صاحبه‭ : ‬الهبوط‭ ‬غالبا‭ ‬بيكون‭ ‬بسبب‭ ‬تسرب‭ ‬لمياه‭ ‬الصرف‭ ‬الصحي‭ ‬اومياه‭ ‬النهر‭ ‬معروفة‭ ‬اذا‭ ‬حدث‭ ‬تسرب‭ ‬يؤدي‭ ‬الى‭ ‬افراغ‭ ‬الطبقات‭ ‬الترابية‭ ‬التي‭ ‬تحث‭ ‬الاسفلت‭ ‬فيؤدي‭ ‬الى‭ ‬انهياره‭..‬

أخت‭ ‬كتبت‭ : ‬مزال‭ ‬فصل‭ ‬الشتاء‭ ‬والامطار‭ ‬ياما‭ ‬تشوف‭ ‬من‭ ‬هبوط‭ ‬فى‭ ‬الطريق‭ ..‬

هي‭ ‬الحق‭ ‬هلبة‭ ‬تعليقات‭ ‬وتفاعل‭ ‬الجمهور‭ ‬،‭ ‬طريق‭ ‬الجامعة‭ ‬كيف‭ ‬تمت‭ ‬صيانتها‭ ‬ولحقتها‭ ‬طريق‭ ‬عين‭ ‬زارة‭ ‬،‭ ‬شن‭ ‬حكايتها‭ ‬عين‭ ‬زارة‭ ‬بالك‭ ‬تحتها‭ ‬وادي‭ ‬،‭ ‬الأمر‭ ‬يخوف‭ ‬راهو‭ ‬لازم‭ ‬من‭ ‬دراسة‭ ‬كويسة‭ ‬توضح‭ ‬الخلل‭ ‬هذا‭ ‬من‭ ‬جهة‭ ‬؟‭ ‬ومن‭ ‬جهة‭ ‬ثانية‭ ‬لازم‭ ‬تقييم‭ ‬لاداء‭ ‬الشركات‭ ‬ويكون‭ ‬شفاف‭ ‬ومحياد‭ ‬،‭ ‬راهي‭ ‬طريق‭ ‬مش‭ ‬لعبة‭ ‬وحياة‭ ‬ناس‭ !! ‬

الخطاء‭ ‬يصير،‭  ‬بس‭ ‬معرفة‭ ‬الخلل‭ ‬وعلاجه‭ ‬ضروري‭ ‬حتى‭ ‬ما‭ ‬يصيرش‭ ‬مرة‭ ‬ثانية‭ ..‬