فريق الهلال الأحمر ينتشل جثة مراه كبيرة في السن تعيش بروحها ، وقبلها من أيام فاتوا لقوا رجل كبيرة متوفي بروحه في حوشه ، عدة حالات سمعنا بيهم شي غريب علينا كيف ناس كبيرة يعيشوا بروحها أعلاش ؟ هذا مش أول حالة يصير فيها هكي ، ناس كبار محتاجين من يطل عليهم ، قاعدين بروحهم وين صغارهم ؟ وين اماليهم؟ معقولة يوصل بينا الحال
للدرجة هذه ، زمان حتى الجار ما يخلي جاره يتفقده ويشوف شن ناقصه ، مريض والا محتاج حاجة ؟ العفو شن صارلنا معاش فيه حن ورحمه ، لمه نسمعوا هالقصص يوجعنا كيف صار فينا ، أكيد في أسباب ؟ بس مافيش انتبه ، مهم كانت المعيشة صعبه مهم تمر علينا من أزمات عمرنا ما ننسوا أمالينا واللي ربونا ،العفو فيقوا ياناس !!
