المنصة الرقمية دولتي تهدف إلى تسهيل تقديم الخدمات الحكومية في ليبيا من خلال منصة رقمية موحدة تضم جميع الخدمات الحكومية في تطبيق واحد، وتعتمد المنصة على أحدث التقنيات الرقمية والذكاء الاصطناعي لتحسين كفاءة الخدمات،
تقدم منصة دولتي خدمات رقمية متكاملة لتسهيل معاملات في أي وقت ومن إي مكان ..
وتقدم الخدمات في هلبه حاجات منها مصلحة الأحوال المدنية والصحة ومصلحة الجوازات وثائق رسمية وشهادة الميلاد وشهادة الوضع العائلي ، وهني بنوقف شوية : كل أجراء لازم يطلبوا شهادة الميلاد والوضع العائلي وهذا حقهم لكن الحق المواطن تعب وهذا حسب راي من صادفني وتكلمت معهم ..
المهم الخدمة الرقمية فيها هلبه خدمات مقتدرتش نذكرها كلها بس لو تمت حتكون نقلة كبيرة لخدمة المواطن :
خذيت اراء من بعض المواطنين في اللي سمع بيها وفي أول مرة سمع وفهم شن ميزتها :
السيد محمد علي : هذه الخدمات تسهل على المواطن الوقت والجهد خاصة البلاد وزحمة طريق حقيقاً كان صار منها خطوة كبيرة وتحسب للقائمين عليها ..
خديجة قالت : كل ما نفكر اندير إجراء لإي خدمة لازم نمشي ونجي وياريت تكمل الخدمة في أول يوم إجراءات طويلة وتبي واحد فاضي اني منعرفش عليها معلومات بس اكيد بتسهل على المواطن بعض الخدمات ..
مواطن علق : ما مستوى الأمان المتوفر للبيانات عبر هذه المنظومات..
جمال محمد : الخدمة الرقمية اكيد حاجة كويسة وهذا العالم متجه لهذا الخدمات بس تقعد البنية التحتية للبلاد يمكن تعطل عمل الخدمات ، أعتقد في ناس مش عارفين ميزة الخدمة لازم تكون في إعلانات توضح للمواطن شن نوعية الخدمة المقدمة ومش عيب ان تكون عندنا خدمات الالكترونية زينا زي العالم ..
أريج طالبة جامعية : رائع جدا أهم شي التركيز على أن المنظومة تكون شغالة ولايحدث فصل بسبب خدمات الانترنت ..
أم عبد الرحمن قالت : كويس معناها معاش فيه زحمه عالسجل المدني وحاجة ثانية ومهمة وهي تقديم لجواز السفر من خلال التطبيق..
في أعداد سابقة نوهت وكتبت على هذه الخدمة وقلت خلي نعاود نكتب عليها بالك تتحرك الأمور ونبدوا نخدموا بيها ، مازال عاد الرسوم مقابل الخدمة وياريت تكون رمزية لتشجيع المواطن على استخدامها ..
