يمكن تكون صورة عادية لكن مش العادي لما تصير في ظروف استثنائية تمر بها العاصمة ، بعد ما تم إغلاق بعض الطرق بالسواتر الترابية خلال المدة الماضية ، شرطي مرور قام بإزاحة التراب من الطريق لتسهيل حركة المرور وخاصة أن كانت امتحانات النقل ، كان يمكن يقعد يتفرج من غير ولا ردة فعل لكن حسه بالمسؤولية اتجاه المواطنين خلاه يتحرك ، التكريم واجب علينا لهذا الشرطي فله الشكر ..
رصدت بعض الاراء :
سماء كتبت :صحة ليه ربي يعطيه صحيحته المفروض يكرموه على اللقطة اللي دارها..
أم معاد :مافيش حد فيهم نزل ساعده وهو مسكين امداير جهده بش يفتح الطريق يعطيه الصحة والعافية ..
رأي أخر كتب صاحبه :هادم هما ناس تخاف ربي يخدم علي روحه ويروح ، وياريت حتي واخد حقوقه تلقاه راتب ماينزل لين يفلس ..
آية :ليه كل الاحترام والتقدير هذا الرجل ساهم ف توسيع الطريق..
آراء كثيرة قدمت التحية لهذا الشرطي ، هذو اللي يخدموا بصدق ووطنية كثر منهم في البلاد ..
