المنظومة الصحية في ليبيا طبعاً العام والخاص تشبه بعضها في حاجة متفقين عليها إلا القلة القلية ..
أول ما تخش للاستعلامات ياسلام على الاستقبال ، كان مستشفى البعض يالطيف لا معاملة ولا اسلوب اتقول مايخلصوش راهو تخذوا في معاش على خدمتكم عاد ..
كان عيادة خاصة وهذا اللي صار في إحدى العيادات المتخصصة المعروفة موظفة الاستعلامات تقول تخلص على الناس من جيبها تعامل غير لائق ، وتنادي بصوت عالي ياويل اللي ما يردش عليها تبي الناس تجري جري وطبعاً في حالات كبيرة في العمر يادوب يتحرك ، الحق معظم العاملين في القطاعات العامة والخاصة واللي ليهم تعامل مباشر مع الجمهور راهو يبوا دورات تدريبية في كيفية استقبال الزبائن وطعباً شروط أخرى من حسن المظهر والقيافة وأهم حاجة حسن الاستقبال فما بالك بناس مرضى يبو كلمة طيبة وهذه نصفها دواء .
