موقف هو مش غريب يصير في أي مكان، وأعلاش لا، ما هو هكي اللي ماشي في البلاد الواسطة تلعب دورًا كبيرًا في قضاء أمورك وهذا شكله مكتوب علينا اللي معنداش ايدور وين يعيش، دخلت لأحد المراكز الصحية لقياس الصغط وأنا في الانتظار دخلتْ سيدة طول استقبلتها الممرضة بكل وجه بشوش، وخشت لحجرة التمريض وهي تقوللها بنديرلك تحاليل التراكمي والدم والحق مجموعة تحاليل واني نسمع فيها بره الحجرة نستنى في الدوري، خشيت للحجرة وسألت كان فيه تحاليل طول يردوا منعرفوش يمكن ما فيش على المشرفة، رديت عليهم صار هكي معليشي شكلها بالوجوه .. استغربوا وسكتوا، كيف يصير حق المواطن في الرعاية الصحية مش حكر على حد مهما يكون صفته، مش لزيد وعبيد واللي معنداش معرفة ياكلها ..
