بلدية سوق الجمعة دارت نداء عاجل لأصحاب سيارات الدفع الرباعي وسيارات شفط المياه، باش يساهموا في إنقاذ المواطنين العالقين بسبب الأمطار وتجمّع المياه، ويساعدوا العائلات اللي دخلت المياه لبيوتها. والبلدية وضحت إن الخدمات هذي بتكون بمقابل مادي.
اللي لفت انتباهي في الخبر إن البلدية طلبت المساعدة، وهذا مش عيب ولا ينقص من قيمتها، بالعكس، الاعتراف بالحاجة للمساعدة أفضل من السكوت وترك المواطنين يواجهوا الخطر بروحهم. لكن السؤال المهم: هل وصلنا لمرحلة إن البلديات ما عادش قادرة تواجه أبسط الأزمات وقت نزول المطر؟ طلب المساعدة في وقت الشدة خطوة تحسب ، لكن الأهم إننا ما نستنوش الأزمة باش نتحركوا، ونخلو الاستعداد لموسم الأمطار أولوية، لأن المواطن مش المفروض كل مرة يواجه نفس المعاناة.
