الشارع

بالليبي طول!

بقلم :يوسف علي

مرات‭ ‬ما‭ ‬تفتحتش‭ ‬كلام‭ ‬دوة‭ ‬هدرزة‭ ‬مع‭ ‬حد‭ ‬خير‭…‬تحكيله‭ ‬موقف‭ ‬ورأيك‭ ‬فيه‭ ‬في‭ ‬حاجات‭ ‬تشوف‭ ‬فيها‭ ‬في‭ ‬الشارع‭ ‬الليبي‭.. ‬تحكيله‭ ‬وتمشي‭ ‬في‭ ‬حالك‭ ‬وتحساب‭ ‬الموضوع‭ ‬تم‭ ‬وانتهى‭ ….. ‬ثاني‭ ‬يوم‭ ‬وثالث‭ ‬يوم‭ ‬ورابع‭ ‬يوم‭ ‬واليوم‭ ‬رقم‭ ‬30‭.. ‬كل‭ ‬ما‭ ‬يلاقيك‭ ‬يشدهالك‭ ‬مضّيغة‭ ‬لوبان‭ ‬متع‭ ‬فم‭ ‬يتحرك‭ ‬360‭ ‬درجة‭.. ‬تي‭ ‬شن‭ ‬صار‭ ‬قاعد‭ ‬زي‭ ‬قبل‭ ‬والا‭ ‬فيه‭ ‬ابديت‭… ‬حتى‭ ‬موقف‭ ‬بسيط‭ ‬مرات‭ ‬مريت‭ ‬بيه‭ ‬في‭ ‬مكان‭ ‬عام‭ ‬أو‭ ‬معاملة‭ ‬بجهة‭ ‬عامة‭ ‬أو‭ ‬حتى‭ ‬بمقهى‭ ‬أو‭ ‬سوق‭ ‬ومش‭ ‬شرط‭ ‬يكون‭ ‬موقف‭ ‬شخصي‭ ‬شخصي‭… ‬المهم‭ ‬يشدها‭ ‬وراك‭ ‬لين‭ ‬تدره‭ ‬كبدك‭ ‬وتقول‭ ‬يا‭ ‬ريتني‭ ‬قلت‭ ‬خير‭ ‬وخلاص‭ ‬ومشيت‭ ‬في‭ ‬حالك‭… ‬المهم‭ ‬القصة‭ ‬هادي‭ ‬موجودة‭ ‬واكيد‭ ‬مريتوا‭ ‬بحاجات‭ ‬زيها‭.. ‬متع‭ ‬يلاقيك‭ ‬ويرجعلك‭ ‬قصة‭ ‬حكيتهاله‭ ‬من‭ ‬اسبوع‭ ‬ومرات‭ ‬شهر‭ ‬ويدير‭ ‬له‭ ‬ابديت‭ ‬ليبي‭ ‬متع‭ ‬بيفتح‭ ‬معاك‭ ‬هدريزريشن‭ ‬وانت‭ ‬تحساب‭ ‬هالقصة‭ ‬تمت‭… ‬ألف‭ ‬دوة‭ ‬ودوة‭ ‬أطول‭ ‬من‭ ‬حكايات‭ ‬ألف‭ ‬ليلة‭ ‬وليلة‭…‬الصبر‭ ‬وخلاص‭.. ‬وسعوا‭ ‬بالكم‭ ‬معاهم‭… ‬على‭ ‬قولت‭ ‬واحد‭ ‬صاحبنا‭ ‬الله‭ ‬غالب‭ ‬شن‭ ‬بتدير؟‭ ‬نهاركم‭ ‬مبارك‭ ‬إن‭ ‬شاء‭ ‬الله‭.‬

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى