خطرها
اعلانات ، دعايات باللهجة العامية من زمان انشوفو في دعايات في معظم التلفزيونات العربية والاجنبية والغرض من عرضها الترويج للبضائع لجمهور المتفرجين والحق تجيب فايدة وقد يعجب بها الناس ويشرو منها ..
لكن نعرفو ان الدعايات تكون خفيفة نظيفة مش تبدى عاد مسلسل !!
خلي عاد الهرج والمرج والصوت العالي والاصوات النشاز والالحان المستفزة ( دوشة ) خاصة كان عرضوها وقت الافطار ..
لازم يتم مراجعة هذا الكم من الدعايات التجارية وتكون ضمن نصوص وكلمات والحان هادية ..
هو الحق فيه دعايات جميلة وخفيفة على أذن وسمع المشاهد وتتمنى يعاودوها اكثر من مرة من كثر ما هي جميلة مع منتوج باهي ..
شن يمنع يكون في إدارة عامة للاعلانات تعطي الاذن بالبث حتى لا تشوه الذوق العام .
مجرد مقترح راهو .
