كل مكان تلقى كوشة فاتحة جديدة وفيها كل ماتبي خبزة نواشف حلويات معلشي خلي يعرضوا وناس تشري ، لكن في حاجة مهمة لمه تجي تشري والخبزة كيف طالعة من الفرن يعني نار وكيس النيلو يستنا امتى تحط الخبيزة السخونة ، كيف عاد حتى هو عنده حصة فيها ، كيس نيلو وخبزة سخونة «كوكتيل صحي بأمتياز » ..
مصروفات للكوشة بكل مستلزماتها إلا تغيير كيس النيلو ، أعلاش مايتغيرش بكيس من الورق صحي أكثر ، راهو الأمر مهم للمظهر العام وللصحة مش حاجة زايدة ..
ياريت تتغير ويفكونا من الشكاير المعبية البلاد وأثارها البيئية الخطيرة ..مجرد مقترح لكن مهم ..
