في حاجة جديدة بدت في محلات الخضروات والفواكه وهي عرض الدلاع مقصوص ابراج زي ما يقولوا ربع ونص ، وبدى هذا العرض أيام انقطاع الكهرباء لساعات طويلة وقتها تشري دلاعة نصفها يمشي للقمامة ، بعدها تعودنا نشروا هكي ، الاقتصاد باهي وعادة كويسة وكل واحد حسب عدد عيلته وحسب مصروفه لكن في غش في الموضوع وهو بيع ابراج الدلاع المقصوص من يوم يعني بايت ومرات قارص على اساس طازه ، باهي جت في الدلاع المهم مايوصلش في الطماطم يصير وألا !!
الحرس البلدي من ضمن اختصاصه رصد المخالفات باهي ديروا لفة على محال بيع الخضروات ، هذا ما تكلمناش على سومها الغالي خاصة الغلة الصيفية وين ماشين بهالاسعار .
