من قال«الصيف ضيف» يمكن قالوها زمان الزمان ، عشنا من غير مكيفات صيف خفيف نظيف بطلعات البحر البسيطة من غير بهرجة وتكاليف ، تغير الصيف وتغيرت معه كل جوانب حياتنا ، شي مننا وشي من الدولة والحكومات والوزراء وكل الأجسام السياسية ، من غير الغوص في دهاليز السياسة ، نحكوا على هروب الضي ونقص الميه وسعرها الغالي ، وخلي أرتفاع الأسعار الرهيب والمرعب ، الصيف يبي ميزانية حتى من غير الطلعات الترفيهية ، خود اللي عنده مولد مش يبي نافطة ، وينها بسلامتها حتى هي ، طوابير البنزين في عز الصهد شي يحرق القلب ، الخبزة والزيادة اللي كل مرة يقولوا عليها ، يتم الصيف اللي مش ضيف ، ويجي وقت تجهيزات المدارس وهذه حكاية بروحها ، سامحنا ياصيف الغلط مش فيك الغلط فينا .
