بلدية طرابلس المركز أصدرت قرارين جديدين لدعم حقوق الأشخاص ذوي الإعاقة وكبار السن، ضمن مشروع «طرابلس بلا عوائق».
القرار الأول ينص على اعتماد معايير التصميم الشامل في إجراءات التراخيص بالبلدية، والقرار الثاني يعطي الأولوية للأشخاص ذوي الإعاقة في الحصول على الخدمات داخل المؤسسات والمرافق الخدمية الواقعة في نطاق البلدية.
خطوة كويسة، لكن السؤال المهم: هل القرارات هذي بتتطبق على أرض الواقع؟
لأن الشخص ذي الإعاقة من حقه أن يتحرك في الشارع بكل سهولة، ويدخل للمؤسسات والمرافق العامة من غير ما يلقى درجات تعرقل حركته، أو مداخل صعبة، أو خدمات مش مهيأة لاحتياجاته.
المشكلة مش في إصدار القرارات، المشكلة في تنفيذها ومتابعتها ومحاسبة الجهات اللي ما تلتزمش بيها.
