لاحظنا خلال شهر أغسطس واللي كان فيه أزمة البنزينة والنافطة في شدتها ، شركة الخدمات العامة شكلها تعطلت بعض أعمالها خاصة نقل القمامة والنظافة ، وقعدت أيام القمامة مكدسة والشوارع الرئيسية حالة خاصة اللي فيها محطة بنزين ، والشي ملوح من السائقين أكواب القهوة وشيش الميه وغيرها من المخلفات ،حتى بعد إنفراج الأزمة قعدت الطرق مش نظيفة ، كانت دورياً تمر عربات مع العامل وينظفوا تحت السيارات المدرسة ، الحق حتى هي زايد الشارع على ما بيه ، ياشركة عارفين أنكم مش مقصرين وهذا شهادة حق وكذلك عارفين الظروف بس ياريت تستمروا في عملكم زي قبل يعطيكم الصحة ، النشرات الجوية كلها تبشر بقرب شبوب المطر لو تكرمتم نظفوا الشوراع قبل ما تعرق في شبر ميه ، نتمنوا توصل كلماتنا للشركة بالك ماعندهاش علم .
