أنا في حالة طلاق، ومصدومة من راجلي وأهله في عدد الإدعاءات، ورمي الكلام؛ حتى وصلت بهم الدرجة أن يكلفوا محامي من نفس القبيلة، وقالوا عليَّ كلامًا يستحي أن نسمعه، هذا كله في مجمع حتي سيرتي تبدأ مش كويسة وحطوا الحق عليّ خايفين أنّ يدفعوا فلوس الطلاق، والمشكلة أصلاً ما نبي منهم شيء، نبي ورقتي بس.
أكثر شيء قهرني أني صبرت عليه من دون صغار، وتحملت اذى عائلته وبخلهم وبخله هو من أول يوم يقولولي ما في حياة ابني حوشك بروحك ناس طماعة وهما عارفين حتي تعيين مش متعينة تعبت منهم خمس سنين لين طيحولي صحتي في خدمتهم عايشين نفس ناس زمان حتي من الغسالة ملابس ما نعينها عليّ، وتوا قالوا أنني ما نجيب في صغار
كنت نبي نأخذ ورقتي بالحسنى ومش حنطلع عيوبهم، وعارهم مهما كان قلت عشرة، لكن اليوم بعد مايقولوا في الكلام عليّ ويشوهوا في سمعتي انهرت معاش عرفت شن اندير .
هل ممكن نقدر نرفع دعوى طلاق بالضرر وبالذات موضوع الصغار كان حتي العلاج ما يبي قال أنا مش مدورهم وأنتِ دبري راسكِ.
كيف نقدر نأخذ حقي لان خلاص الرصيد معاهم تم، وتجاوزوا حدودهم.
