شدني منظر غريب يمشي معه المثل الشعبي )يامزوق من بره كيف حالك من الداخل( .. مثل جي على بالي أول ما شفت المنظر، من بين العمارات وسط شارع الجمهورية افتتح محل بجنب عمارة في جنبها ممر طويل شكلهم السكان يرموا فيه كل أنواع المخلفات ويبان من الشارع العام، المهم واني خاطمة من جنب العمارة لقيت نصف الممر مغطي بساتر من الأعشاب الصناعية ونصفه الثاني تبان منه المخلفات على طول صورت المنظر )نص بنص( وقلتُ في خاطري كان كملوا جميلهم وغطوه كله، وبعدين قلتُ مش كان أحسن لو كملوا جميلهم الحقاني ونظفوا ومعهم السكان كل هذه المخلفات، مرات تشوف العجب تستغرب وتمشي في حالك.
مرات يكون عندك موقف لتغيير الصورة للأحسن وهذا هو المطلوب في الحقيقة.
