عندي ملاحظة بخصوص ظاهرة النساء اللي يوقفن في الشوارع ويتسولن من أصحاب السيارات، واللي زاد استغرابي إن بعضهن يلبسن الفراشية، وهي من الأزياء التقليدية المعروفة للمرأة الليبية، بينما بحسب ما نلاحظ مش كلهن ليبيات. المشهد هذا بصراحة يعطي صورة مش حلوة عن الزي الليبي، ويخلي الفراشية مرتبطة في ذهن الناس بالتسول، وهي في الأصل جزء من تراثنا وهويتنا. والحاجة الثانية، إن بعض المتسولات يوقفن في منتصف الطريق بين السيارات، وهذا يسبب ربكة وخطر، خصوصًا في الأماكن اللي فيها صيانة وتضييق للطريق. وآخر موقف شفته كان في جزيرة الفرناج، اللي الطريق فيها ضيقة بسبب أعمال الصيانة، ومع هذا تلقى امرأة واقفة بين السيارات، والسائق يضطر يخفف ويحاول يتفاداها حتى ما يصدمهاش.
