وصفة طبية كتبها دكتور ، شن الجديد فيها عادي وصفة مني بيكتبها امالا، المشكلة مش في الوصفة ، المشكلة في خط الدكتور اللي كاتب الوصفة ، قلت عادي مرات الصيدلاني يفهمها هما دكاترة ويفهموا بعض ، خشيت للصيدلية قدمت الوصفة للصيدلاني قعد المسكين يفكك في رموز الخط باش يصرف الدواء ، بعد جهد تمكن من فك الشفرة العجيبة لخط الدكتور واعطاني الدواء ، تذكرت مسلسل أجنبي يحكي قصة طب الطواريء من بين الحلقات كانت تحكي على دورة تدريبية للخط يعطوا فيها للدكاترة ، فعلاً بعض الدكاترة يبو دورة في الخط ، اكتبوا بحروف واضحة لو سمحتم حتى الخط مش جميل عادي المهم واضح وعلى مهلكم .
