الصورة كانت أكثر من واضحة والمكتوب باين من عنوانه ، قلناها وماتبيش كثرة تفكير ولا حدة ذكاء ، لما تفتح مولات ومشاريع ترفيهية وتتباهوا بافتتاح أكبر مول في أحياء سكانية كبيرة هذا مش يبي بنية تحتية مزبوطة واولها «الضي» مشاريع كبيرة تبي طاقة وجهد عالي حتى يغطي أحتياجات التشغيل ، شوفوا هذا أحد المولات الكبار وبعد تفكير عميق طلع بفكرة افتتاح المول العشية بس ، أعلاش ؟ للمساهمة في دعم شبكة الكهرباء واستقرارها ، طبعاً هما مشكورين ، التخطيط ديمة غايب والعشوائية هي سيدة الموقف والواقع يشهد بذلك ، مولات من غير تكييف في عز الصيف ، أنت فتحت فتحت دير المول يوفر مولدات تدعم الشبكة على الأقل فترة الصيف ، شن رايكم مولات وألا أستقرار الشبكة وتوفر الضي ، للعلم فرحنا بافتتاح المول ، أهو زينا زي الدول الأخرى ، والمثل يقول دير ما دار جارك .
