شباب في منتصف الليل يجروا بسياراتهم وصوت الموسيقى عالي جداً ، ومش هكي بس دوشة ( المطوات ) الدراجات النارية صوت مزعج جداً مع هدوى الليل تخيل صدى الأصوات ، في ناس مريضة وصغار ينخلعوا من الاصوات العالية وناس تبي تنوض الصبح تخدم ، راهو الإزعاج ليه أثار نفسية منها دقات القلب العالية وغير منتظمة بسبب الخلعة ، هدو الشباب شن ما عندهم ما يخدموا ؟ لا شغلة ولا عملة ؟ وين اماليهم لا حاكم ولا حكيم !!
ليش ما فيش دوريات ليلية تراقب شن يصير في الليل ، من الملاحظ إنه من مدة معاش فيه دوريات أمنية تضبط المخالفين ، في حاجة ثانية من مدة فاتت صارت عركة قوية بين شباب في الشارع الرئيسي الفاظ بدئية غير لائقة شكلهم كانوا مش في واعيهم وهذا واضح جداً ، شن الواحد بيقول ؟!
